អាកាសយានដ្ឋានអន្តរជាតិកម្រិត 4E ដែលអាចទទួលជើងហោះហើរផ្លូវឆ្ងាយពីជុំវិញពិភពលោកជាមួយនឹងផ្លូវរត់ ៣,៦០០ ម៉ែត្រ និង ចំណតចូលយន្តហោះចំនួន៣៨ អាកាសយានដ្ឋានអន្តរជាតិសៀមរាបអង្គរ មានលទ្ធភាពទទួលអ្នកដំណើរបានប្រាំពីរលាននាក់ក្នុងមួយឆ្នាំ ហើយត្រូវបានគេរំពឹងថានឹងបង្កើនសមត្ថភាពរបស់ខ្លួនទទួលបានអ្នកដំណើររហូតដល់ ១២ លាននាក់ ក្នុងមួយឆ្នាំ ពីឆ្នាំ២០៤០។

អាកាសយានដ្ឋានអន្តរជាតិសៀមរាបអង្គរ ដែលមានទីតាំងស្ថិតក្នុងឃុំតាយែក ស្រុកសូទ្រនិគម ចម្ងាយប្រហែល ៥០ គីឡូម៉ែត្រពីក្រុងសៀមរាប បានចាប់ផ្តើមប្រតិបត្តិការកាលពីខែតុលាឆ្នាំមុន៕