ខ្មែរ 
- The People Post
Notification
Latest News
ប្រយ័ត្ន ! អ្វីគួរ និងមិនគួរញ៊ាំ ពេលមានជំងឺរលាកក្រពះរ៉ាំរ៉ៃ
១. ចៀសវាងអាហារហឹរ ម្ទេស និងម្រេច អ្នកមិនគួរទទួលទានអាហារអ្វីដែលក្ដៅខ្លាំង ឬហឹរឡើយប្រសិនចង់ចៀសផុតអាការៈពិបាកទ្រាំផ្សេងៗនៃជំងឺរលាកក្រពះរ៉ាំរ៉ៃ។ អាហារប្រភេទនេះអាចធ្វើឱ្យរលាក ឬជះផលប៉ះពាល់ដល់ស្រទាប់ខាងក្នុងនៃក្រពះ។ ២. ព្យាយាមទទួលទានយ៉ាអួរ ភាគច្រើននៃពួកយើងសុទ្ធតែដឹងហើយថាយ៉ាអួរ គឺល្អសម្រាប់ពោះវៀននិងប្រព័ន្ធរំលាយអាហារដោយជួយបង្កើនកម្រិតនៃបាក់តេរីល្អ។ ការទទួលទានយ៉ាអួរក៏អាចជួយទប់ទល់បញ្ហារលាកក្រពះរ៉ាំរ៉ៃបានយ៉ាងប្រសើរផងដែរ។ ទោះជាយ៉ាងណាត្រូវប្រាកដថាអ្នកបានជ្រើសរើសយ៉ាអួរសុទ្ធគ្មានផ្ទុកជាតិស្ករ។ ៣. ចៀសវាងផ្លែឈើមានផ្ទុកជាតិអាស៊ីតខ្ពស់ ផ្លែឈើ គឺល្អចំពោះសុខភាពរាងកាយ ប៉ុន្តែទោះជាយ៉ាងណាអ្នកមិនគួរទទួលទានផ្លែឈើដែលមានផ្ទុកជាតិអាស៊ីតខ្ពស់ឡើយក៏ព្រោះវាអាចបណ្ដាលឱ្យស្ថាន ភាពនៃបញ្ហារលាកក្រពះកាន់តែអាក្រក់ឡើង។
កូនដែលមានអាយុ៧ខែ ញ៉ាំផ្លែឈើ២មុខនេះរួច នឹងមានសុខភាពរឹងមាំ
1. កូនដែលមានអាយុ៧ខែ អ្នកម្តាយអាចឲ្យកូនញ៉ាំផ្លែប៉ោមបាន ព្រោះក្នុងនោះមានផ្ទុកសារធាតុដែលអាចជួយឲ្យកូនមានការចងចាំល្អ ថែមទាំងជួយបង្កើនប្រាជ្ញាកូនផងដែរ។ ជាពិសេស ផ្លែប៉ោមនេះ អាចជួយកូនមិនឲ្យជួបនឹងអាការៈខ្វះឈាមនោះទេ ដោយក្នុងនោះមានផ្ទុកសារធាតុដែក។ មិនត្រឹមតែប៉ុណ្ណោះ ផ្លែឈើមួយនេះក៏ជួយឆ្អឹងកូនឲ្យលូតលាស់បានល្អដែរ ព្រោះក្នុងនោះមានផ្ទុកកាលស្យូម។ ជាងនេះទៅទៀត ក្រពះកូនក៏រំលាយអាហារបានល្អដែរក្រោយពេលដែលញ៉ាំផ្លែប៉ោមរួច។ 2. ផ្លែស្រកានាគ មានផ្ទុកសារធាតុដែលអាចជួយឲ្យកូនមានសម្រស់ស្អាត។ ជាពិសេស ក្រោយពេលដែលកូនបរិភោគរួច កូននឹងមិនប្រឈមមុខនឹងអាការៈខ្វះឈាមឡើយ។
កុំថាមិនអីឱ្យសោះ ! ផឹកទឹកច្រើនពេកអាចបណ្តាលឱ្យមានផលអាក្រក់ដល់សុខភាពបាន
បណ្តាអ្នកជំនាញ ក្នុងពេលបច្ចុប្បន្ននេះបានព្រមានថា ការផឹកទឹកដល់ទៅ៨កែវក្នុង១ថ្ងៃ(ទោះមិនស្រេកក្តី)មិនល្អសម្រាប់សុខភាពទេ ហើយថាវាអាចបង្កគ្រោះថ្នាក់ទៅវិញ។វេជ្ជបណ្ឌិតម៉ាហ្គារែត ម៉ាកខាត់ថ៍នីនៅក្រុងGlasgowចក្រភពអង់គ្លេសបាននិយាយថា NHS(ដែលជាផ្នែកបម្រើសុខភាពជាតិ)បានជ្រើសរើសយកដំបូន្មានតាមគេហទំព័រដែលថា មនុស្សគួរតែផឹកទឹកឲ្យបានពី៦ទៅ៨កែវក្នុង១ថ្ងៃគឺជារឿងភូតកុហកប៉ុណ្ណោះ។ លោកស្រីបានបន្ថែមថា អត្ថប្រយោជន៍ដែលបានមកពីការផឹកទឹកច្រើនជារឿយៗគឺជាការបំផ្លើសហួសហេតុ ហើយដែលភាគច្រើនការបំផ្លើសនេះចេញពីអង្គការ ឬក្រុមហ៊ុនដែលទទួលបានផលប្រយោជន៍ពីការលក់ទឹក។ នៅក្នុងព្រឹត្តិប័ត្រBritish Medical Journalលោកស្រីម៉ាកខាត់ថ៍នីបានសរសេរដោយចង្អុលបង្ហាញថា ការស្រាវជ្រាវរកឃើញថា ផឹកទឹកនៅពេលដែលយើងមិនស្រេកអាចធ្វើឲ្យចុះខ្សោយកម្រិតនៃការប្រមូលផ្តុំស្មារតីជាជាងការបង្កើន។ បើតាមភស្តុតាងដាច់ដោយឡែកមួយបានបង្ហាញថា សារធាតុគីមីទាំងឡាយដែលប្រើសម្លាប់មេរោគនៅក្នុងទឹកអាចធ្វើឲ្យខូចសុខភាពទៅវិញ។ ផឹកទឹកហួសប្រមាណក៏អាចរំខានដល់ដំណេកផងដែរខណៈដែលគេត្រូវក្រោកទាំងពាក់កណ្តាលយប់បត់ជើងតូច។លោកស្រីម៉ាកខាត់ថ៍នីបានព្រមានទៀតថាផឹកទឹកច្រើនពេកអាចបណ្តាលឲ្យកម្រិតអំបិលក្នុងខ្លួនចុះទាប នាំឲ្យមានការហើមក្នុងខួរក្បាល
សុរានិងទារកក្នុងផ្ទៃ ៖ ចង់បានកូនល្អ អនាគតឪពុកត្រូវឈប់ផឹកស្រាយ៉ាងហោច៦ខែមុន
សុរាជាប្រភពនៃគ្រោះថ្នាក់ ជាប្រភពបង្កឱ្យមានជំងឺជាច្រើនប្រភេទ សុរាបំផ្លាញថ្លើម បំផ្លាញខួរក្បាល នាំឱ្យមានជំងឺមហារីក។ មហារីកដែលគេស្គាល់ និងជួបញឹកញយជាងគេ គឺជំងឺមហារីកថ្លើម ក្រពះ ជាដើម។ល។ ប៉ុន្តែឥទ្ធិពលរបស់សុរា មិនមែនកំរិតត្រឹមជំងឺមហារីកពីរបីមុខ លើកបុគ្គលដែលទទួលទទួលទានជាតិស្រវឹងនេះដោយផ្ទាល់ទេ ផលវិបាកអាចធ្ងន់ធ្ងរខ្លាំង ប៉ះពាល់ដល់អ្នកដទៃ និងពិសេសដល់ទារកក្នុងផ្ទៃ។ ប្រសិនបើអ្នកជាម្តាយទទួលទានសុរា នោះ ជាតិសា្រនឹងជ្រាបហូរតាមឈាមទៅដល់កូនក្នុងផ្ទៃ ដោយនឹងធ្វើឱ្យទារកលូតលាស់មិនបានត្រឹមត្រូវ
ឥណ្ឌូណេស៊ីនឹងដាក់ពន្ធលើភេសជ្ជៈមានជាតិស្ករនៅឆ្នាំ ២០២៥ ដើម្បីកាត់បន្ថយជំងឺទឹកនោមផ្អែម
ថ្លែងក្នុងសន្និសីទសារព័ត៌មានក្នុងទីក្រុងហ្សាការតា អ្នកនាំពាក្យអគ្គនាយកដ្ឋានគយ និងរដ្ឋករ លោក Nirwala Dwi Heryanto គម្រោងនេះនឹងចាប់ផ្ដើមអនុវត្តក្នុងពាក់កណ្ដាលឆ្នាំ ២០២៥។ លោកបញ្ជាក់ថា គោលការណ៍ថ្មីនេះ មិនត្រូវបានបង្កើតឡើងដើម្បីរកប្រាក់ចំណូលបន្ថែមចូលរដ្ឋទេ ពោល គឺដើម្បីកាត់បន្ថយការប្រើប្រាស់ជាតិស្ករ អំឡុងពេលដែលបច្ចុប្បន្ន ករណីជំងឺទឹកនោមផ្អែមកើនឡើងជាបន្តបន្ទាប់។ ការដាក់ពន្ធ ត្រូវបានរៀបចំឡើង ដើម្បីគ្រប់គ្រងលើការប្រើប្រាស់ជាតិស្ករលើសចំណុះ។ តាមទិន្នន័យពីក្រសួងសុខាភិបាល