សាស្ត្រាចារ្យ និងនិសិ្សត​ នៃសាកលវិទ្យាល័យប៊ែលធី ចំនួន១៩០រូប បានមកធ្វើទស្សនកិច្ចសិក្សាឈ្វេងយល់អំពីតួនាទី​ និងភារកិច្ចរបស់រដ្ឋសភា នៅរសៀលថ្ងៃទី៤ ខែមិថុនា ឆ្នាំ២០២៤។

តំណាងរាស្រ្តនិងមន្រ្តីជាន់ខ្ពស់រដ្ឋសភា បានទទួលស្វាគមន៍ និងធ្វើបទបង្ហាញអំពីប្រវត្តិរដ្ឋសភាកម្ពុជា និងតួនាទីភារកិច្ចរបស់តំណាងរាស្រ្តដល់យុវជនបានសិក្សាឈ្វេងយល់។

នៅឱកាសនោះក្រៅការជួបប្រាស្រ័យទាក់ទងផ្ទាល់ជាមួយតំណាងរាស្រ្ត សិស្ស និស្សិត បានចូលទៅទស្សនាសាលប្រជុំពេញអង្គរដ្ឋសភាផងដែរ៕