ដំណើររឿងនៃខ្សែជីវិតរបស់អធិរាជសំឡេងមាស លោក ស៊ីន ស៊ីសាមុត ជាខ្សែភាពយន្តមួយ ដែលបានចាក់បញ្ចាំងនាឱកាសបើកមហាស្រពភាពយន្តអន្តរជាតិកម្ពុជាលើកទី១៣ ក្នុងឆ្នាំ ២០២៤ កាលថ្ងៃទី២៥ ខែមិថុនា​។

មហាស្រពភាពយន្តអន្តរជាតិកម្ពុជាលើកទី១៣ ក្នុងឆ្នាំ ២០២៤ នេះ បានចាប់បើកសម្ភោធជាផ្លូវការនៅថ្ងៃទី២៥ ខែមិថុនា​ ហើយបន្តរហូតដល់ថ្ងៃទី៣០ ខែមិថុនា។ ​ក្នុងអំឡុងពេល​៦ថ្ងៃនេះ ភាពយន្តខ្លីចំនួនជាង ១៥០ រឿង មកពីអាមេរិក បារាំង អូស្ត្រាលី ជប៉ុន ឥណ្ឌា និងកម្ពុជា នឹងត្រូវចាក់បញ្ចាំងជូនសាធារណជនទស្សនា ដោយឥតគិតថ្លៃ៕