អង្ករសំរូបគឺជាអាហារសុខភាពដែលសម្បូរទៅដោយជាតិសរសៃ និងវីតាមីន ដូច្នេះស្ត្រីដែលចង់សម្រកទម្ងន់ និងអ្នកដែលកើតជំងឺទឹកនោមផ្អែមចូលចិត្តប្រើវាណាស់។ ទោះជាយ៉ាងណាក៏ដោយ អង្ករសំរូបមិនមែនតែងតែល្អនោះទេ ប្រសិនបើអ្នកញ៉ាំវាខុស វានឹងបង្កគ្រោះថ្នាក់ច្រើនជាងផលល្អ។
ខាងក្រោមនេះជាកំហុស ៤យ៉ាង ពេលទទួលទានអង្ករសំរូប ដែលគួរចៀសវាង៖

១.ទម្លាប់ទុកអង្ករសំរូបយូរពេក

ប្រេងធម្មជាតិរបស់អង្ករសំរូបអាចខូចនៅពេលរក្សាទុកយូរពេក។ ដូចគ្នាដែរ យើងមិនគួរកំដៅអង្ករសំរូបលើសពីម្តងឡើយ ព្រោះវាមិនត្រឹមតែកាត់បន្ថយអាហារូបត្ថម្ភប៉ុណ្ណោះទេ ថែមទាំងធ្វើឱ្យពិបាកក្នុងការញ៉ាំ ហើយថែមទាំងបង្កគ្រោះថ្នាក់ដល់រាងកាយផងដែរ ប្រសិនបើទុកវាចោលលើសពី 6 ខែ។

២.ជារឿយៗចម្អិន និងបរិភោគអង្ករសំរូបតាមរបៀបខុស

ដោយសារតែសមាសភាពនៃគ្រាប់អង្ករសំរូបមានជាតិសរសៃច្រើន ស្រទាប់គ្រាប់ធញ្ញជាតិមានភាពរឹង និងមិនងាយស្រួលក្នុងការចម្អិន ដូច្នេះវាជាការល្អបំផុតគួរត្រាំវារយៈពេល 30 នាទីទៅច្រើនម៉ោង ឬមួយយប់មុនពេលចម្អិន។ ដូច្នេះហើយ ពេលចម្អិនអង្ករសំរូប អ្នកត្រូវចម្អិនវាឱ្យបានល្អ ដើម្បីកុំឱ្យប៉ះពាល់ដល់ក្រពះ។ សម្រាប់មនុស្សចាស់ និងក្មេងតូចៗ អ្នកមិនគួរញ៉ាំអង្ករសំរូបច្រើនទេ។ ព្រោះ​ពេល​ញ៉ាំ​អង្ករសំរូប អ្នក​ត្រូវ​ទំពា​វា​ឲ្យ​បាន​យូរ និងម៉ត់ល្អ។

៣.ញ៉ាំអង្ករសំរូបច្រើនពេក

ការទទួលទានអង្ករសំរូបច្រើនពេកនឹងធ្វើឱ្យពិបាករំលាយអាហារ ព្រោះវាមានផ្ទុកអាស៊ីត Phytic និងជាតិសរសៃច្រើន។ អាស៊ីត Phytic ក៏ជាសមាសធាតុមិនរលាយដែលអាចការពារការស្រូបយកមីក្រូសារជាតិមួយចំនួន ជាពិសេសសារធាតុរ៉ែ។

អង្ករសំរូបដែលផលិតមានបរិមាណអាសេនិចតិចតួចណាស់។ ទន្ទឹមនឹងនេះ ការទទួលទានអាសេនិចច្រើនពេកក្នុងរយៈពេលយូរអាចនាំឱ្យមានផលវិបាកជាច្រើន រួមទាំងមហារីកតម្រងនោម មហារីកសួត និងការខូចខាតស្បែក។
យោងតាមលទ្ធផលស្រាវជ្រាវនៃការសិក្សាមួយចំនួន សមាសធាតុអាសេនិចក្នុងអាហារនេះមិនល្អសម្រាប់អ្នកដែលមានជំងឺបេះដូង ដូច្នេះអ្នកមិនគួរញ៉ាំច្រើនពេកទេ។

៤.ញ៉ាំអង្ករសំរូបជំនួសអង្ករ ស ទាំងស្រុង

មានមនុស្សជាច្រើនដែលជឿថាអង្ករសំរូបល្អជាងអង្ករ ស ប៉ុន្តែនេះគឺជាការយល់ខុសមួយនៅពេលទទួលទានអង្ករសំរូប។ បើប្រៀបធៀបទៅនឹងអង្ករ ស អង្ករសំរូបមានជាតិសរសៃ និងវីតាមីន B ខ្ពស់ជាង។ ប៉ុន្តែបើតាមអ្នកជំនាញផ្នែកអាហារូបត្ថម្ភ ថ្វីត្បិតតែអង្ករសំរូបល្អខ្លាំង ប៉ុន្តែវេជ្ជបណ្ឌិតបានណែនាំថា គួរទទួលទានតែ ២-៣ ដងក្នុងមួយសប្តាហ៍។ បើ​អ្នក​ញ៉ាំ​ច្រើន​ពេក វា​នឹង​មាន​ផល​អវិជ្ជមាន​ដល់​សុខភាព​ដូច​បាន​រៀបរាប់​ខាង​លើ។

ជាមួយគ្នានេះ អ្នកមិនគួរប្រើអង្ករសំរូបដើម្បីជំនួសអង្ករ ស ទាំងស្រុងនោះទេ បើមិនដូច្នេះទេអ្នកនឹងខ្វះសារធាតុចិញ្ចឹមជាច្រើន និងបង្កើនហានិភ័យនៃជំងឺជាច្រើន ដោយបង្វែរអង្ករសំរូបពីអាហារសុខភាពទៅជា “ថ្នាំពុល”៕