ខ្មែរ 
សាស្ត្រាចារ្យប្រវត្តិសាស្ត្រ សំបូរ មាណ្ណារ៉ា ទទួលមរណភាពក្នុងជន្មាយុ៦៧ឆ្នាំ
លោក សំបូរ មាណ្ណារ៉ា ជាសាស្រ្តាចារ្យជំនាញប្រវត្តិសាស្ត្រខ្មែរ បានទទួលមរណភាពនៅម៉ោង ៥និង ៤០ នាទី ថ្ងៃទី ២០ ខែមេសា ឆ្នាំ ២០២៤ នៅមន្ទីរពេទ្យកាល់ម៉ែត ដោយរោគាពាធ។
លោក សំបូរ មាណ្ណារ៉ា បានធ្វើការក្នុងវិស័យអប់រំ ពិសេសលើជំនាញប្រវត្តិសាស្ត្រ ប្រមាណ៤០ឆ្នាំមកហេីយ។
លោកបណ្ឌិត កុល ផេង សកលវិទ្យាធិការសកលវិទ្យាល័យបញ្ញាសាស្រ្ត បានជូនដំណឹងថា “គណៈគ្រប់គ្រង សាស្រ្តាចារ្យ បុគ្គលិកសិក្សា សិស្សនិស្សិត ទាំងអស់ នៃសាកលវិទ្យាល័យបញ្ញាសាស្រ្តកម្ពុជា និង សាលាបញ្ញាសាស្រ្តអន្តរជាតិ គ្រប់សាខា មានទុក្ខយ៉ាងក្រៀមក្រំ និងសោកស្តាយជាអតិបរិមា ដោយលោកសាស្រ្តាចារ្យ សំបូរ មាណ្ណារ៉ា ព្រឹទ្ធសាកលវិទ្យាធិការរង នៃសាកលវិទ្យាល័យបញ្ញាសាស្រ្តកម្ពុជា បានទទួលមរណភាព”៕