ខ្មែរ 
- The People Post
Notification
Latest News
ការទូតសភា៖ ក្នុងរយៈពេលជាង៣ខែ ប្រធានរដ្ឋសភា ចូលរួមពង្រីកកិច្ចសហប្រតិបត្តិការជាមួយអន្តរជាតិយ៉ាងសកម្ម ដើម្បីទាញប្រយោជន៍ជូនពលរដ្ឋ
ការទូតសភាជាការងារសំខាន់មួយ របស់រដ្ឋសភានៅក្នុងការនាំ នូវផលប្រយោជន៍រួមជូនប្រជាពលរដ្ឋនិងប្រទេសជាតិ បន្ថែមលើមុខងារទំាងបីរបស់រដ្ឋសភា មានមុខងារនីតិកម្ម មុខងារតាមដានការអនុវត្តច្បាប់ និងមុខងារភាពជាតំណាងប្រជាពលរដ្ឋ។ រយៈពេលជាង៣ ខែមកនេះ ពោលនៅក្នុងរយៈពេលនៃសម័យប្រជុំរដ្ឋសភាលើកទី២ នីតិកាលទី៧ ពីខែមេសា រហូតមកដល់ចុងខែកក្កដាឆ្នាំ២០២៤នេះ សម្តេចរដ្ឋសភាធិបតី ឃួន សុដារី បានបំពេញការងារការទូតសភា យ៉ាងសកម្ម ដែលបាននាំមកនូវផលប្រយោជន៍ជាច្រើនជូនប្រជាពលរដ្ឋ។ សម្តេចប្រធានរដ្ឋសភា
សម្តេចប្រធានរដ្ឋសភា សំណូមពរដល់តំណាងរាស្រ្តបន្តចុះស្វែង យល់សុខទុក្ខប្រជាពលរដ្ឋឱ្យបានជាប់ជាប្រចាំ
តំណាងរាស្រ្តត្រូវនៅជាប់ជាមួយប្រជាជនជានិច្ច ដើម្បីស្វែងយល់ពីសុខទុក្ខប្រជាពលរដ្ឋ ដោយ ប្រកាន់ភ្ជាប់គោលការណ៍យកប្រជាពលរដ្ឋជាស្នូល ហើយត្រូវធ្វើអន្តរាគមន៍តាមយន្តការរដ្ឋសភា ក្នុងការដោះស្រាយតាមសំណូមពរ សំណើ និងបណ្តឹងពលរដ្ឋឱ្យមានប្រសិទ្ធសភាពខ្ពស់។ ទំាងនេះជាការអំពាវនាវដ៏ទទូចរបស់សម្តេចរដ្ឋសភាធិបតី ឃួន សុដារី ប្រធានរដ្ឋសភា។ ការអំពាវនាវបានធ្វើឡើង នៅក្នុងឱកាសរដ្ឋសភាបិទបញ្ចប់សម័យប្រជុំរដ្ឋសភាលើកទី២ នីតិកាលទី៧ នៅព្រឹកថ្ងៃទី២៥ ខែកក្កដាឆ្នាំ២០២៤ នេះ។ នៅក្នុងសម័យប្រជុំព្រឹកមិញនេះ រដ្ឋសភាបានបង្ហាញលទ្ធផលការងារជាច្រើន
រដ្ឋសភាអនុម័តទាក់ទាញការធ្វើដំណើរតាមអាកាសមកកម្ពុជា
រដ្ឋសភា បានអនុម័ត សេចក្តីព្រាងច្បាប់ស្តីពីការអនុម័តយល់ព្រមលើអនុសញ្ញាស្តីពីឯកភាវូបនីយកម្មនៃវិធានមួយចំនួនពាក់ព័ន្ធនឹងការដឹកជញ្ជូនអន្តរជាតិតាមផ្លូវអាកាសនៅព្រឹកថ្ងៃ២៥កក្កដានេះ។ ច្បាប់នេះ ធានាជំរុញទាក់ទាញវិនិយោគនិងកំណើនសេដ្ឋកិច្ច ទេសចរណ៍ ការងារ ចំនួនអ្នកធ្វើដំណើរតាមផ្លូវអាកាស ព្រមទំាងការតភ្ជាប់វប្បធម៌រវាងប្រជាជននិងប្រជាជន និងផ្តល់ទំនុកចិត្តកាន់តែខ្ពស់ដល់អ្នកធ្វើដំណើរតាមផ្លូវអាកាស និងសហគ្រាសដឹកជញ្ជួនអន្តរជាតិតាមផ្លូវអាកាសជាដើម។
មិនត្រឹមជាឱកាសធ្វើបុណ្យ តែជាការជួបជុំសំណេះសំណាល សួរសុខទុក្ខដោយក្តីនឹករលឹក គោរពស្រឡាញ់ក្នុងមនោសញ្ចេតនាជ្រាលជ្រៅ ជាបងប្អូន។
ស្រុកលើកដែក ខេត្តកណ្តាលប្រៀបដូចជាស្រុកកំណើត របស់សម្តេចរដ្ឋសភាធិបតី ឃួន សុដារី ប្រធានរដ្ខសភា។ ប្រជាពលរដ្ឋនៅស្រុកលើកដែក បានសម្តែងការស្វាគមន៍កក់ក្កៅជាទីបំផុតចំពោះវត្តមានសម្តេច ។ ប្រជាពលរដ្ឋ បានគោរពថ្លែងអំណរគុណជ្រាលជ្រៅបំផុតជូនសម្តេចរដ្ឋសភាធិបតី ឃួន សុដារី ដែលជានិច្ចកាលបានផ្សារភ្ជាប់សុខទុក្ខជាប្រចាំជាមួយពលរដ្ឋនិងបានចាត់ទុកស្រុកលើកដែក ដូចជាស្រុកកំណើតរបស់សម្តេចផ្ទាល់នៅក្នុងនោះសម្តេចបានចូលរួមកសាង សមិទ្ធផលជាច្រើនជូនប្រជាពលរដ្ឋនៅក្នុងស្រុកលើកដែក ទាំងពុទ្ធចក្រនិងអាណាចក្រ៕
សម្តេចរដ្ឋសភាធិបតី ឃួន សុដារី៖ និស្សិតបានទៅសិក្សានៅក្រៅប្រទេស មានតួនាទីផ្សព្វផ្សាយពីតម្លៃសន្តិភាពនៅកម្ពុជាទៅកាន់ពិភពលោក
ក្នុងឱកាស អនុញ្ញាតឱ្យនិស្សិតជ័យលាភីដែលទទួលបានអាហារូបករណ៍ទៅសិក្សានៅប្រទេសជប៉ុន និងសិង្ហបូរី ជួបសំណេះសំណាលនិងទទួលអនុសាសន៍មុនចេញទៅសិក្សា កាលពីថ្ងៃទី១៦ ខែកក្កដាឆ្នាំ២០២៤នោះ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាបានមានប្រសាសន៍លើកឡើងថា ការបោះឆ្នោតឆ្នាំ២០២៣ជាព្រឹត្តិការណ៍ប្រវត្តិសាស្រ្តនិងជារបត់ថ្មីរបស់កម្ពុជាក្នុងរយៈពេល៥០០ឆ្នាំរបស់ខ្លួន ពីព្រោះជាការផ្ទេរការដឹកនាំប្រទេសដោយរលូន សន្តិវិធី គ្មានផ្ទុះសង្រ្គាម មិនដូចប្រវត្តិសាស្រ្តកន្លងមកឱ្យតែមានការផ្លាស់ប្តូរ គឺតែងតែផ្ទុះសង្រ្គាមកើតឡើង។ ការបោះឆ្នោតឆ្នាំ២០២៣ ជាព្រឹត្តិការណ៍ប្រវត្តិសាស្រ្ត ដែលពលរដ្ឋច្រើនលើសលប់បានគំាទ្រគណបក្សប្រជាជនកម្ពុជានៅក្នុងចំណោមគណបក្សប្រកួតប្រជែង១៨។ ពលរដ្ឋជាង៨៤%