ខ្មែរ 
- The People Post
Notification
ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ
តំបន់វាលទំនាប តំបន់ខ្ពង់រាប និងតំបន់មាត់សមុទ្រកម្ពុជា នឹងមានភ្លៀងធ្លាក់ពីមធ្យមទៅបង្គួរ គ្របដណ្តប់លើផ្ទៃដី ៤០% និងបរិមាណទឹកភ្លៀងខ្ពស់ជាងមធ្យមភាគច្រើនឆ្នាំ ជាមួយនឹងបាតុភូតផ្គររន្ទះ និងខ្យល់កន្ត្រាក់កើតមានច្រើន។ នេះបើយោងតាមសេចក្តីជូនដំណឹងស្តីពីការព្យាករអាកាសធាតុសម្រាប់ខែឧសភា-មិថុនា ឆ្នាំ២០២៤ របស់ក្រសួងធនធានទឹក និងឧតុនិយម។ យោងទៅលើស្ថានភាពវិវត្តន៍នៃសីតុណ្ហភាពនៅលើផ្ទៃមហាសមុទ្រប៉ាស៊ីហ្វិកខាងកើត និងតំបន់អេក្វាទ័របង្ហាញឱ្យឃើញថា ចាប់ពីខែឧសភា ដល់ខែមិថុនា បាតុភូតអែលនីណូ នឹងស្ថិតនៅ ១០%។
ទទួលទានទឹកអំពៅជួយកសិករ និងបានប្រយោជន៍ដល់សុខភាព
របរលក់ទឹកអំពៅចល័តតាមចិញ្ចើមផ្លូវ ដុះដាល់និងហាក់ត្រូវប៉ាន់នារដូវក្ដៅឆ្នាំនេះ។ អ្វីពិសេសជាងនេះ ការទទួលទានទឹកអំពៅជួយដល់កសិករអ្នកដាំដុះ។ និយាយពីអ្នកលក់ទឹកអំពៅវិញ ទោះជាមានការប៉ះពាល់ដោយសារតែការឡើងកម្តៅក៏ពិតមែន តែអ្នកប្រកបមុខរបរសេដ្ឋកិច្ចក្រៅប្រព័ន្ធប្រភេទនេះ ពួកគេបង្ហាញការសប្បាយចិត្ត និងមិនរុញរាក្នុងការស៊ូទ្រាំលក់នៅក្រោមកម្ដៅថ្ងៃឡើយ។ តាមឯកសារខ្លះ ទឹកអំពៅមិនត្រឹមតែជួយបំបាត់ភាពស្រេកទឹកទេ ប៉ុន្តែនៅសំបូរដោយកាបូអ៊ីដ្រាត ប្រូតេអ៊ីន ពពួកវីតាមីន និងជាតិរ៉ែដូចជាផូស្វ័រ កាល់ស្យូម ប៉ូតាស្យូម ស័ង្កសី និងជាតិដែកដែលមានប្រយោជន៍ច្រើនដល់សុខភាព។ ផឹកទឹកអំពៅអាចបន្ថែមថាមពលដល់យើងពេលដែលយើងមានអារម្មណ៍អស់កម្លាំង។
ហ្វីលីពីនបិទសាលារៀនមួយចំនួន ដោយសារអាកាសធាតុក្តៅខ្លាំង
រលកកំដៅដ៏ធ្ងន់ធ្ងរមួយកំពុងកើតឡើងនៅហ្វីលីពីន ដែលបង្ខំឱ្យអាជ្ញាធរក្នុងតំបន់មួយចំនួនបិទសាលារៀនជាបន្តបន្ទាប់។ នៅថ្ងៃទី២ ខែមីនា សាលារៀនជាច្រើននៅហ្វីលីពីនរាប់ចាប់ពីថ្នាក់មត្តេយ្យដល់វិទ្យាល័យក្នុងខេត្ត Iloilo, Negros Occidental, Capiz, South Cotabato នៅតំបន់ភាគខាងលិច Visayas និង Mindanao ត្រូវបានផ្អាកជាបណ្តោះអាសន្ន ដើម្បីជៀសវាងការឡើងកំដៅ និងធានាសុខភាពដល់សិស្ស និងគ្រូ។ នេះបើតាមសារព័ត៌មាន
១៧មេសា កាល៤៩ឆ្នាំមុន កងទ័ពខ្មែរក្រហមចូលគ្រប់គ្រងទីក្រុងភ្នំពេញ
ថ្ងៃទី១៧មេសាឆ្នាំ២០២៤នេះ ជាខួបលើកទី៤៩ ដែលរបបកម្ពុជាប្រជាធិបតេយ្យឡើងកាន់កកាប់អំណាច។ រយៈពេល ៣ ឆ្នាំ ៨ ខែ ២០ ថ្ងៃ របបប៉ុលពត បានកាប់សម្លាប់ប្រជាជនខ្មែរ ស្លូតត្រង់ អស់ជាង ១លាននាក់៕
សាស្ត្រាចារ្យប្រវត្តិសាស្ត្រ សំបូរ មាណ្ណារ៉ា ទទួលមរណភាពក្នុងជន្មាយុ៦៧ឆ្នាំ
លោក សំបូរ មាណ្ណារ៉ា ជាសាស្រ្តាចារ្យជំនាញប្រវត្តិសាស្ត្រខ្មែរ បានទទួលមរណភាពនៅម៉ោង ៥និង ៤០ នាទី ថ្ងៃទី ២០ ខែមេសា ឆ្នាំ ២០២៤ នៅមន្ទីរពេទ្យកាល់ម៉ែត ដោយរោគាពាធ។លោក សំបូរ មាណ្ណារ៉ា បានធ្វើការក្នុងវិស័យអប់រំ ពិសេសលើជំនាញប្រវត្តិសាស្ត្រ ប្រមាណ៤០ឆ្នាំមកហេីយ។