ខ្មែរ 
- The People Post
Notification
Latest News
ប្រាសាទធម្មនន្ទ បង្ហាញពីជំនឿនៃសាសនាចម្រុះ លើប្រាសាទតែមួយ
សៀមរាប៖ ប្រាសាទធម្មនន្ទ ជាប្រាសាទតូចច្រឡឹងមួយ ដែលតួប៉មសាងទម្រង់រចនាបថកំពូលស្រួចឡើងលើ ដូចប្រាសាទអង្គរវត្ត។ ប្រាសាទនេះ ត្រូវបានកសាងឡើងក្នុងរាជព្រះបាទសូរ្យវរ្ម័នទី២ នាដើមសតវត្សរ៍ទី១២ ស្ថិតក្នុងរមណីយដ្ឋានអង្គរ។ ប្រាសាទធម្មនន្ទត្រូវបានបុរាណវិទូ ថាវាមានលក្ខណៈពិសេស គឺបានបង្ហាញពីជំនឿនៃសាសនាចម្រុះដែលបានឆ្លាក់លើតួប្រាសាទតែមួយ រៀបរាប់ពីរឿងទេវកថានិកាយព្រះនរាយណ៍ និកាយព្រះឥសូរ និងព្រះពុទ្ធសាសនាផងដែរ៕
ក្រៅពីមានសួនសត្វ ភ្នំតាម៉ៅក៏មានប្រាសាទ
ភ្ញៀវទេសចរដែលទស្សនាខេត្តតាកែវ ភាគច្រើនស្គាល់សួនសត្វភ្នំតាម៉ៅ ប៉ុន្តែភាគតិចណាស់ដែលស្គាល់ប្រាសាទចំនួនពីរ សាងសង់ក្នុងសតវត្សទី១១។ ប្រាសាទនេះ ស្ថិតនៅក្នុងវត្តភ្នំតាម៉ៅ និងនៅលើកំពូលភ្នំថ្មដុះ ដែលមានកម្ពស់ ៣៥ម៉ែត្រ។ ប្រាសាទភ្នំថ្មដុំ ត្រូវបានកសាងអំពីដីឥដ្ឋតាន់ក្រហម កាលពីសម័យអង្គរ។ ជញ្ជាំងវាមានកម្រាស់ ១ម៉ែត្រ។ ប្រាសាទដ៏តូចនេះមានថ្មធម្មជាតិមួយដ៏ធំនៅខាងក្នុង។ ប្រាសាទនេះ មានរាងបួនជ្រុង ៧ម៉ែត្រកន្លះ និងកម្ពស់ ១៣ម៉ែត្រ។
មកដឹងពីសត្វដំរីនៅកម្ពុជា
កម្ពុជាមានដំរីស្រុកប្រមាណជាង ៧០ ក្បាលដែលកំពុងថែរក្សានិងអភិរក្ស និងមានដំរីព្រៃចន្លោះពី ៤០០ ទៅ ៦០០ ក្បាលដែលកំពុងរស់នៅក្នុងព្រៃធម្មជាតិកម្ពុជានៅក្នុងភូមិភាគឦសាន និងតំបន់ជួរភ្នំក្រវាញ តំបន់ព្រៃឡង់ជាដើម។ ការចូលរួមពីគ្រប់ភាគីក្នុងការចូលរួមការពារនិងអភិរក្សសត្វដំរីនៅកម្ពុជាគឺជាចំណែកមួយយ៉ាងសំខាន់នៃការងារគ្រប់គ្រងធនធានធម្មជាតិ និងការអភិរក្សជីវៈចម្រុះ៕
ប្រាសាទសំបូរព្រៃគុក ឈរស្ងប់ស្ងាត់នៅព្រៃដ៏ធំនៃអតីតរាជធានីឦសានបុរៈ
បើតាមអាជ្ញាធរជាតិសំបូរព្រៃគុក តំបន់ប្រាសាទសំបូរព្រៃគុក ត្រូវបានស្ថាបនាឡើងក្នុងរាជព្រះបាទឦសានវរ្ម័នទី១ ដែលជាព្រះរាជបុត្ររបស់ចិត្រាសេន។ ក្នុងរាជ្យរបស់ព្រះអង្គ សំណង់ជាស្នាដៃឯកដ៏វិចិត្រនៃសិល្បៈខ្មែរសម័យមុនអង្គររួមមានចម្លាក់ក្រឡោតលើឥដ្ឋ តួប្រាសាទឥដ្ឋរាង៨ជ្រុង ចម្លាក់លើកំបោរបាយអរ និងចម្លាក់ក្រឡោតក្នុងក្បាច់មេដាយ។ វិសាលភាពនៃសំណង់រក្សាទឹក ជាភស្តុតាងបន្ថែមទៀតដែលបង្ហាញពីសារៈសំខាន់របស់រាជធានី និងពីសមិទ្ធផលបច្ចេកវិទ្យារបស់ស្ថាបត្យករ និងវិស្វករនាសម័យនោះ។ ប្រាសាទខ្លះ ត្រូវបានកសាងឡើងមុនរាជព្រះអង្គ ដូចជាក្នុងរាជ្យរបស់ព្រះបាទភវវរ្ម័នទី១ មហេន្ទ្រវរ្ម័ន និងភវវរ្ម័នទី២ ដែលជាញ្ញាតិសន្តានរាជវង្ស។ ទោះបីជាមានការផ្លាស់ប្តូររាជធានីទៅតំបន់អង្គរ
ភូមិវត្តបូព៌ ផលិតផលទេសចរណ៍ថ្មីក្រៅពីប្រាសាទ
សៀមរាប៖ ភូមិវត្តបូព៌ ត្រូវបានបង្កើតជាផ្លូវការ ជាភូមិទេសចរណ៍ថ្មីនៅក្នុងក្រុងសៀមរាប។ ភូមិវត្តបូព៌ ជាផលិតផលទេសចរណ៍ថ្មីក្រៅពីប្រាសាទ និងជាទីកម្សាន្តមិនអ៊ូអរ សុវត្ថិភាព ផាសុកភាព និងគិតគូរពីបរិស្ថានខ្ពស់។ នេះជាគោលគំនិតនៃការបង្កើតភូមិនេះឡើង ដើម្បីជំរុញភាពទាក់ទាញ ដល់ទេសចរដែលចូលចិត្តការកម្សាន្ត និងការស្នាក់នៅបែបសុខុមរមនា។