• The People Post

រួមសុខ រួមទុក្ខ ជាមួយពលរដ្ឋគ្រប់ពេល

  គ្រាន់តែទទួលដំណឹងពីការបាត់បង់អាយុជីវិតកុមារីបីនាក់ ដែលបានលង់ទឹកស្រះស្លាប់ នៅចំនុចស្រះទឹកក្នុងភូមិទួលក្រសាំង សង្កាត់រការខ្ពស់ ក្រុងតាខ្មៅ ខេត្តកណ្តាល នាព្រឹកថ្ងៃទី៩ ខែវិចិ្ឆកាឆ្នាំ២០២៤ បន្ទាប់ពីការចូលរួមពិធីបុណ្យរុក្ខទិវា នៅខេត្តតាកែវរួចភ្លាម សម្តេចរដ្ឋសភាធិបតី ឃួន សុដារី ប្រធានរដ្ឋសភា និងជាតំណាងរាស្រ្តមណ្ឌលខេត្តកណ្តាល បានអញ្ជើញចូលរួមពិធីបុណ្យសពកុមារីទំាងបីដោយផ្ទាល់។ សម្តេចបានចូលរួមរំលែកមរណទុក្ខដ៍ក្រៀមក្រំ សោកស្តាយជាពន់ពេកជាមួយក្រុមគ្រួសារសព ដែលបានបាត់បង់កូនៗជាទីស្រឡាញ់របស់ខ្លួននាឱកាសនេះ។

«បុណ្យរុក្ខទិវា»

សូមឧទ្ទិសបួងសួងឱ្យពិធី«បុណ្យរុក្ខទិវា» នេះ ស្ថិតក្នុងបេះដូងរបស់បងប្អូន ជនរួមជាតិគ្រប់ៗរូប នឹងក្លាយជាប្រពៃណីនៃការរួមសាមគ្គីគ្នាដាំដើមឈើគ្រប់ប្រភេទ រួមគ្នាថែរក្សាការពារ និងអភិវឌ្ឍន៍ធនធានព្រៃឈើសត្វព្រៃ ដែលជាមរតកដ៏មានតម្លៃរបស់ជាតិ យើងឱ្យបានគង់វង្សរហូតទៅ។ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា៕

សម្តេចធិបតី ហ៊ុន ម៉ាណែត បានអញ្ជើញវិនិយោគិនបារាំងទាំងអស់មកស្វែងយល់ពីសក្តានុពលវិនិយោគ

សម្តេចធិបតី ហ៊ុន ម៉ាណែត បានអញ្ជើញវិនិយោគិនបារាំងទាំងអស់មកស្វែងយល់ពីសក្តានុពលវិនិយោគដ៏ធំធេង, ស្វែងរកកាលានុវត្តភាពដ៏សម្បូរបែប និងធ្វើការសម្រេចចិត្តជាយុទ្ធសាស្ត្រ ដើម្បីទាញយកប្រយោជន៍ពីទំនាក់ទំនងទ្វេភាគីដ៏ជិតស្និទ្ធកម្ពុជា-បារំាង។ សម្តេចធិបតី មានប្រសាសន៍បញ្ជាក់ថា កម្ពុជាត្រៀមខ្លួនរួចជាស្រេចក្នុងការស្វាគមន៍ និងផ្ដល់ការគាំទ្រពេញទំហឹង ក៏ដូចជាការទទួលបដិសណ្ឋារកិច្ច ដល់វិនិយោគិន និងធុរជន។

តើបុព្វបុរសខ្មែរសង់ប្រាសាទសំបូរព្រៃគុក ដើម្បីអ្វី?

ថ្ងៃនេះជាខួប៧ឆ្នាំ ដែលតំបន់ប្រាសាទសំបូរព្រៃគុក បានដាក់បញ្ចូល ជាសម្បត្តិបេតិកភណ្ឌពិភពលោក កាលពីថ្ងៃ៨ ខែកក្កដា ឆ្នាំ២០១៧។ ប្រាសាទសំបូរព្រៃគុកនាសម័យបុរាណ គឺជារាជធានីខ្មែរបុរាណ «នគរភ្នំ» ។ ពាក្យ «គុក» សំដៅ «ប្រាសាទ ឬទីងងឹត» ដែលមានន័យថា ជាទីកន្លែងគោរពបូជាដ៏ស្ងប់ស្ងាត់ដើម្បីអប់រំចិត្ដ ព្រោះថាប្រាសាទ ជាទីកន្លែងសក្ការៈបូជារបស់ព្រះរាជា

ដំណឹងរីករាយ រដ្ឋសភាកម្ពុជានិងថៃ គ្រោងនឹងចុះហត្ថលេខារួមគ្នា លើការកែសម្រួលអនុស្សារណៈនៃការយោគយល់គ្នា(MoU)រវាងរដ្ឋសភាប្រទេសទំាងពីរ

ដំណឹងរីករាយ រដ្ឋសភាកម្ពុជានិងថៃ គ្រោងនឹងចុះហត្ថលេខារួមគ្នា លើការកែសម្រួលអនុស្សារណៈនៃការយោគយល់គ្នា(MoU)រវាងរដ្ឋសភាប្រទេសទំាងពីរឱ្យស្របតាមសភាពការណ៍ជាក់ស្តែងក្នុងការឆ្លើយតបឱ្យមានប្រសិទ្ធនិងប្រសិទ្ធផលកាន់តែច្រើនឡើង ក្នុងការបម្រើផលប្រយោជន៍ដល់ប្រជាជននៃប្រទេសទំាងពីរ ដោយហេតុថា (MoU) នៃរដ្ឋសភាប្រទេសទំាងពីរ បានធ្វើឡើងតំាងតែពីឆ្នាំ២០០៧មកម្ល៉េះ។ ការចុះហត្ថលេខានេះអាចនឹងធ្វើឡើងនៅក្នុងដំណើរទស្សនកិច្ចរបស់សម្តេចរដ្ឋសភាធិបតី ឃួន សុដារី ប្រធានរដ្ឋសភាកម្ពុជា នៅប្រទេសថៃ ពីថ្ងៃទី១១និង១២ខែកក្កដា ខាងមុខនេះ។ រដ្ឋសភាជាស្ថាប័នតំណាងឱ្យប្រជាជន យកផលប្រយោជន៍ប្រជាជនជាធំ៕

យើងអាចទៅកោះកុងជិះយន្តហោះបានហើយ

អាកាសយានដ្ឋានអន្តរជាតិតារាសាគរ ក្នុងស្រុកបទុមសាគរ ខេត្តកោះកុង នឹងចាប់ផ្តើមជើងហោះហើរក្នុងស្រុកក្នុងខែសីហាខាងមុខនេះ ។នេះបើតាមមន្រ្តីជាន់ខ្ពស់ លោក ស៊ីន ចាន់សិរីវុត្ថា អនុរដ្ឋលេខាធិការ នៃរដ្ឋលេខាធិការដ្ឋានអាកាសចរស៊ីវិល (SSCA)៕